Student Portals:

Employee Portal:

Workplace Login

Translations - Creole

Creole

Broward College se premye ak pi gwo enstitisyon ansèyman siperyè nan Konte Broward, k ap ofri degre Asosye & degre Katran Etid Inivèsitè ansanm avèk pwogram sètifika nan plizyè anplasman nan zòn metwopolitèn Fort Lauderdale ak nan kominote Konte Broward la. Pwogram espesyalize yo gen ladan yo degre sou entènèt, Syans Sante ak Fòmasyon Kontini.

Broward College an dezyèm plas pou enskripsyon elèv, pami 28 manm nan Sistèm Kolèj Florida a, e l ap desèvi pliske 66 000 elèv chak ane. Misyon kolèj la se pou ofri pwogram edikasyon ak sèvis de kalite siperyè ki pa koute chè e ki aksesib pou moun k ap aprann yo e ki fè patide divèsite nan kominote a.

Si oumenm oswa yon moun ou konnen, enterese enskri nan Broward College, tanpri, suiv sis etap sa yo oswa rele nan 954-201-7200 pou plis enfòmasyon.

Etap En : Èd Finansye

Sèvis Finansye pou Elèv yo ofri asistans ak lajan bay elèv ki elijib yo, apatide tout resous federal, leta ak enstitisyonèl yo. Lyen yo bay enfòmasyon enpòtan.

Si w bezwen enfòmasyon sou èd federal pou elèv yo ale nan sit entènèt FAFSA a nan www.fafsa.ed.gov
Pou enfòmasyon sou depatman èd finansye nan Broward College e pou konnen ki opsyon onivo èd finansye ki disponib pou ou, ale nan paj wèb Depatman Èd Finansye nan Broward College la ki nan http://www.broward.edu/financialaid/.

Etap De : Admisyon

Aplike sou entènèt la; pou fè sa, ale nan http://www.broward.edu/FCCSC/student/applogon.jsp oswa vizite yon biwo admisyon sou kanpis la. W ap jwenn anplasman yo nan http://www.broward.edu/admissions/. Peye frè pou aplikasyon an ki pa ranbousab ki se $35 (oswa $75 pou elèv entènasyonal)
Ranpli yon Afidavi sou Rezidans epi soumèt dokiman ki bay Prèv sou Rezidans nan Florida bay Biwo Admisyon an nan nenpòt kanpis oswa sant. Al gade nan paj pou Prèv sou Rezidans nan Florida a pou plis enfòmasyon.
Mande pou yo voye relvednòt ofisyèl lekòl segondè w yo ak/oswa relvednòt ofisyèl inivèsite dezan oswa katran w yo ki soti nan enstitisyon ki Ozetazini nan Biwo Anrejistreman Broward College (Broward College Registration Office) (w ap jwenn anplasman yo nan http://www.broward.edu/locations ) oswa voye yo pa lapòs nan biwo Anrejistreman an ki nan adrès sa a :

College Registrar's Office
225 East Las Olas Boulevard
Fort Lauderdale, FL 33301

Si ou konplete yon GED (Diplòm pou Ekivilans Etid Segondè), tanpri, soumèt nòt ofisyèl pou GED a.
Afidavi ki siyen pou yon elèv k ap suiv kou adomisil.
Elèv ki gradye lekòl segondè andeyò Lèzetazini, dwe pote dokiman orijinal yo nan yon Biwo Anrejistreman Broward College
Elèv ki gen kou yo te pran nan inivèsite ki andeyò Lèzetazini dwe fè yo tradui relvednòt yo ofisyèlman nan lang angle e se pou yo fè yon konpayi evalye nòt yo. Se pou evalyasyon an gen ladann idantifikasyon tout kou ki nan nivo siperyè. Se pou nou resevwa tout dokiman nou mande yo sou 30 jou apatide premye semès enskripsyon an. Pi ba a, w ap jwenn enfòmasyon kontak pou de (2) konpayi ki espesyalize nan tradiksyon ak evalyasyon relvednòt.

Josef Silny and Associates (Espesyalize nan tradiksyon ak evalyasyon relvednòt)
World Education Services (Espesyalize nan tradiksyon ak evalyasyon relvednòt)

Ou ka jwenn enfòmasyon anplis sou kondisyon pou admisyon yo nan katalòg broward college la ki sou entènèt nan adrès sa a: http://www.broward.edu/catalog/.

Etap Twa : Prèv sou rezidans nan Florida

Elèv k ap aplike pou admisyon nan Broward College e ki deklare yo se rezidan nan Florida, dwe ranpli epi soumèt yon Afidavi sou Rezidans avèk omwen 2 prèv sou rezidans nan Florida, bay Biwo Admisyon an, ki nan nenpòt kanpis oswa sant. Nenpòt elèv k ap mande pou yon chanjman nan kondisyon non-rezidan l lan, dwe soumèt omwen 3 prèv sou Rezidans nan Florida, pou sipòte demann y ap fè pou reklasifikasyon an ke yo soumèt bay Komite Dapèl sou Rezidans lan. Fòm ki pi ba yo ke w ap jwenn nan lyen suivan yo, nesesè pou pwosesis prèv sou rezidans oswa reklasifikasyon an.

Etap Kat : Tès pou plasman

Nòt pou plasman yo obligatwa pou tout elèv k ap travay pou resevwa yon degre.

Elèv yo ka itilize rezilta pou egzamen ACT, SAT oswa Egzamen pou Preparasyon apre Etid Segondè (PERT) si rezilta sa yo gen mwenske dezan.

Si lang angle se dezyèm lang ou aprann pale e ou pa konplete kou angle regilye pandan dezan nan yon lekòl segondè Ozetazini, ou oblije pran egzamen pou Nivo Konpetans nan Lang Angle (Levels of English Proficiency : LOEP) a. LOEP a gen de (2) pati ladan l : Yon redaksyon ki kout ak yon egzamen enfòmatize. Egzamen enfòmase a evalye nivo konpreyansyon nan lekti ak nan koute.

Pou yo sa admèt ou pou pran yon Egzamen Plasman Enfòmatize (CPT) , se pou pote resi pou frè aplikasyon w lan ak yon idantifikasyon ki gen foto, nan kote y ap administre egzamen an. Verifye avèk kanpis la (yo) pou konn lè ak kote k ap disponib pou pran egzamen yo. W ap jwenn enfòmasyon sa a nan lyen ki pi ba yo.

Santral	Nò	Sid	Sant Pines (Pines Center)
(kat jewografik pou tout kanpis yo)

Pou enfòmasyon sou Tès Debaz sou Lekti ak Ekriti onivo Teknoloji pou Elèv, klike la a.

Etap Senk : Konsèy ak Oryantasyon

Yon fwa ou fin pran egzamen plasman an (oswa ou pran SAT/ACT a nan lekòl segondè w la), al patisipe nan yon sesyon oryantasyon/gwoup konsèy (elèv ki transfere yo dwe pote relvednòt inivèsite dezan oswa katran yo).
Nan yon sesyon konsèy, nou pral :

Revwa nivo plasman w lan nan lang angle, nan lekti ak nan aljèb
Diskite de objektif ou yo ak pwogram detid ou a
Ede w chwazi kou w yo pou semès k ap vini a

Nan yon sesyon oryantasyon, nou pral :

Montre w kijan pou anrejistre sou entènèt la
Aprann ou estrateji pou siksè nan Broward College.
Enfòme w sou tout sèvis, resous, ak aktivite ki gen sou kanpis la
Rezime responsabilite ou genyen yo pou konfòme w ak règleman ak pwosedi Broward College yo

Etap Sis : Anrejistreman

Anrejistreman se yon bagay ki byen fasil; annik fè detwa klike epi ou bon ! Yon fwa ou chwazi kou w yo, chwazi youn nan opsyon suivan yo pou anrejistre :

Sou entènèt : Klike sou BCmnan (myBC)
Pèsonèlman nan biwo anrejistreman an nan nenpòt Biwo Anrejistreman Broward College

Toujou enprime orè w la pou verifye enfòmasyon anrejistreman w lan ak dat limit pou peman w lan.

Se pou w peye frè yo okonplè anvan dat limit ki parèt sou orè kou a oswa nan dat sa a menm. Men fòm peman ki akseptab yo :

Sou entènèt : klike sou BCmnan (myBC)
Pèsonèlman nan Biwo Kès la nan nenpòt kanpis.
Ou ka fè peman yo sou fòm lajan kach, chèk, manda postal oswa kat kredi bankè (MasterCard, Visa, American Express oswa Discover)

I am...

Important:

Translations:

Legal:

SACS COC Accreditation | Equal Opportunity / Equal Access Institution

111 East Las Olas Boulevard, Fort Lauderdale, FL 33301

Phone: 954.201.7350

Broward College does not discriminate on the basis of race, color, ethnicity, genetic information, national origin, sex, disability, or age in its programs and activities. Inquiries regarding the non-discrimination policies may be directed to: Denese Edsall, Associate Vice President, Human Resources, 6400 NW 6th Way, Ft. Lauderdale, Fl 33309, (954) 201-7502, dedsall@broward.edu

Choose a section:

Areas of Study by Type:

Programs & Information:

Academic Help:

Explore Online Classes:

Ways to Apply:

Who are you?:

Learn More:

Financial Assistance:

Common Requests:

Athletics & Recreation:

Empower Yourself:

Arts & Culture:

Student Publications:

Services:

Academic Services:

Do Business with BC:

How BC Can Help:

Rights & Responsibilities:

Creole